GRUZIYA – OʻZBEKISTON FUQAROLARI UCHUN YANGI KIRISH QOIDALARI

🇬🇪 GRUZIYA – OʻZBEKISTON FUQAROLARI UCHUN YANGI KIRISH QOIDALARI 🇬🇪

2026-yil 1-yanvardan boshlab Gruziyada chet el fuqarolari uchun yangi kirish talablari kuchga kiradi. Barcha xorijiy fuqarolar uchun mamlakatda boʻlish muddati davomida majburiy tibbiy sugʻurta talab etiladi. Sugʻurtasiz kirish uchun jarima – 300 lari (taxminan 1,3 million soʻm).

Sugʻurta polisi ingliz yoki gruzin tillarida rasmiylashtirilgan bo‘lishi kerak va Gruziyada boʻlish davrining to‘liq muddatini qamrab olishi shart.

👉 MINIMAL QAMROV TALABLARI:

● Shoshilinch ambulator xizmatlar: kamida 5 000 USD
● Statsionar davolanish (baxtsiz hodisalar, jarohatlar, kasalliklar, evakuatsiya va repatriatsiya bilan birga): kamida 30 000 USD
● Mamlakatning togʻli hududlariga safar qilish uchun alohida talablar mavjud.

Hujjatni mobil qurilmada elektron shaklda yoki bosma nusxada o‘zingiz bilan olib yurish lozim. Kirish vaqtida ham, mamlakat ichida huquqni muhofaza qilish organlari xodimlari tomonidan ham sugʻurta polisi so‘ralishi mumkin.

Iltimos, chegarani bemalol kesib oʻtish uchun barcha zarur hujjatlarni oldindan tayyorlab qo‘ying.